مُغْتَسَلٌ بَارِدٌ وَشَرَابٌ

  كتب عبد الله عثمان علي اخدليهو سفرة يوم شيخ علي في حركتو دي جا داخل الصالون، بردلوب وقع قدام الأستاد... مات عديل... الأستاذ مسك النبض بتاعو مساااافة... فرفر... وقام لحوامتو... الأستاذ قال: علي اخدليهو سفرة --- ممن رواها وكانوا حضورا تاج الدين عبدالرازق الحسين ومحمد الفكي عبدالرحمن --- أَلْقَتْ عَصَاهَا وَاسْتَقَرَّ بِهَا النَّوَى كَمَا قَرَّ عَيْنًا بِالإِيَابِ الْمُسَافِرُ اليوم الجمعة 2 اكتوبر 2026، وبعد 58 عاما في خدمة الرب، رحل شيخ علي نفعنا الله بجاهه --- قلت ليهو الحركة دي بديتها كيف؟! قال الاستاذ طلب من محمد علي ابونعيم يرحل بتول محمد الحسن لام بدة... لامر ما ابونعيم اتباطأ... ناداني... طوالي مشيت جبت لوري ورحلتها.... من ديك وعييييك --- مما اعتز به سليمان عمر حكى لي حاجة خصاهو بيها الأستاذ.... قلت ليهو انا غايتو عندي حاجتين بحكيهم ليك مرة داخل على الصالون وقبل ما اسلم على الأستاذ، الأستاذ كان بكلم الاخوان عن اخ او اخت في المستشفى اظنها (راحت علي بعض تفاصيلها)  المهم قبل ما ادخل طوالي استدرت في بالي عدل المستشفى اسمعليك الأستاذ يقول للاخوان بالتجليات الجلالية ديك: قومو...

كتب عبد الله عثمان يا النسيتنى أمي وأبوي، ياريتك لو غلطت على غلطة واحدة! حكاها الأستاذ عن زوجة الجبر ناصر وتف!! تف دموعو تنزل --- أبكاني أخي محمد الفضل محمد اللمين وهو يحكي لي تشبث عزة بيدي شيخ علي وهو مسجى: عليك الله يا شيخ علي ما تمشي تخلينا... تمشي تخلينا لي منو؟! --- العاطفة الإنسانية اسمى ما في الوجود الأستاذ --- ما عزاني أحد بأحسن مما فعلت الباشمهندس أنس داؤود حامد التقي شيخ علي في سلطنة عمان لأيام فقط ثم شاركه شيخ علي فرحة زواجه في الدبيبات كردفان وقرأ لهم قرآن ودعا لهم. اتصل بي وبنزيهة من لندن يبكي!! يبكي!! يبكي!! يا خال كيف تخلوا شيخ علي يمشي!! --- وليس لعين لم يفض ماؤها عذر اتصل شقيقي عرمان باكيا: شيخ علي يوم واحد ما فاتنا.... تشوفو بدون ما تشعر قلبك دا كلو ينفر... انا ماشي ام درمان اعزي... عمار باشكار ما رد لي... شيخ علي ما البتغلى عليه الرجل --- وبطل القصة دي كلها بت الزين بتصرف من الأستاذ متيمنة ومتنضرة إلا امرقلو ميمونة محمد الحسن بت نفيسة بت الزين توفي عنها زوجها محمد سليمان أكرت. دار جعل وامرأة حابسة مقبلة على الحيطة ونسوة يلححن.: ما تغسلي وشك قبل المغارب!! قالوا لها، ف...

كتب عبد الله عثمان:  الكسرة اسم الله الأعظم  الكسرة بالموية فيها شفاء الظاهر والباطن حكى لينا الأستاذ سعيد بتصرّف:  زمان كان المسائل بسيطة.. غاية في البساطة.. كنا نلعب الكورة.. تنضرب تنجرح فى كراعك.. تقوم طوالي تمسحها بالتراب وتواصل لعبك.. بعدين زي العشاء كده.. تقوم تنقرفها.. حاجة لذيييذة كده.. فيها طرف من "العذاب من العذوبة"... شويتين وتلقاها نشفت وبرت... خلاس! الليلة لو انضربت إلا تعمل تعقيم وممكن الجرح يعمل ليك مشاكل.. الليلة فى أمراض ينقلوا ليها الناس الأردن وكمان يفتشوا على دكتور معين ومستشفى معين ويمكن يعالجك ويمكن لا.. ابن آدم بقى عندو حيل كثيرة.. عشان كده ربنا جعل مسائله صعبة.. لو ما وقفت الحيل دي.. الله ما بيسر ليه أمره.. ====== ما انبعج شيخ مشهده الجوع ومسلِّك حيرانه على كدا جاهو ضيف.... قال للحيران: ادوهو حرف كسرة! جوهوا قال ليهو: اكلها!! قال ليهم: اكلها كلها؟!  قالوا ليهو: نعم! قال ليهم: ما انبعج! =========== من لطايف الجزارين في أم درمان، مشكرين كثرة دهن لحمتهم: لحمة توديك الأردن!!  ============ دخل مسافر على بيت رجل زاهد فتعجب لم ير متاعا فسأل صاحب...

  كتب عبد الله عثمان: أنت لي هسع ما قادر تختها؟؟!! ________________________ والشيخ ماشي مع حوارو... تلاقيهم بت جميلة مترددة أنها تقطع خور كده... الشيخ يشيلا ويقطع بيها الخور.. الحوار الموضوع شغلو وغيَّر خواطرو بعد أيام يسألو: أنت يا بوي البت ديك شلتها... الشيخ: أنا شلتها وختيتا بي غادي.. أنت لي هسع ما قادر تختها؟؟!! ::.  . : مما يتذكر الأخ د.  عبدالرحمن أحمد حجة... د. عبدالرحمن من القرير، قوز هندي درس كلية التربية جامعة الخرطوم.. عمل بجامعة كسلا وجامعة حايل.

  كتب عبد الله عثمان: الشيخ العبيد قال: أنا ماني حاسد بَلِد الفاسد يعني أنا بحسن نيتي مع الله الله بتولى أولادي وبنشئهم، والحقيقة أنو الأمر دا إلا يتولاه الله يطلع الأولاد خيرين.. لكن علاقتك بي الله هي ال بتجيب ليك أولادك كويسين.. إذا كان دائماً انتي صالحة ومتجهة لي الله وما عندك حسد و بتحبي الخير للناس، الخير بجيك في أطفالك.. (حديث للأستاذ عن "تربية الأطفال" منقول بلغة الكلام عن شريط).  

 كتب مأمون التلب:  الكونُ خيال في التعريف الشعري والفردي للأستاذ محمود محمد طه (1) لم أدرس الهندسة في الكليّة بقدر ما دَرستُ الشعر والأدب والحياة، وعندما سلّمني العميد خطاب فصلي السياسيّ من الجامعة عقب انتفاضة طُلاَّبٍ مُخمدة، في العام 2003م، انتهت بحرق إدارة كليّة الهندسة بجامعة السودان، ورغم براءَتي التامّة بحكم تواجدي في مكانٍ بعيدٍ عن حادث الحريق؛ شعرتُ بالانعتاق والتحرّر. لم تكن عواقب الأمور وسط الأسرة سارّة، فهذه هي الجامعة الثانية، وفيما يبدو أنني لا أخطط للالتزام بالخط الحياتي المعتاد الذي يتضمن تخرّجاً ووظيفة وأسرة وما إلى ذلك. كانت محاولتي الجامعيّة الثالثة في كليّة الآدب، قسم الفلسفة، جامعة النيلين (ناضجين). هنالك التقيت بقصي مجدي سليم، ثمَّ، لاحقاً، عثرتُ على كُتب الأستاذ محمود محمد طه. تلك الأرض المائدة من تحتي، الشعور بالانبتات واللايقين التّام، الهزيمة كاملة الأركان لانتفاضتنا التي ظنّنا لوهلةٍ أنها قد تُطيح بالنظام، عندما وصلت تظاهرات الجامعات الكبرى في الخرطوم إلى قلب السوق العربي، فبهتتنا جموع الشارع بالابتسامات والتلويح بالقبضات من بعيد، ثم المرور بتجربة تعذ...

 كتب فكي علي:  أبْ مطارِق                          إنت الوحيد المشتبه                إنت الوحيدفي حضرة الموت انتبه                              بصرك حديد                      طيفك يجينا شَبه شَبه أزهري محمد علي      لم يتجادل السودانيون في شخصيةٍ كتجادلهم في شخصية محمود محمد طه، إنّ ما يثير إعجابي به هو هذا النزاع الجذري الذي يدور حوله منذ عقود، هو عند المثقفين من أقصى اليمين إلى أقصى اليسار إما مهرطقاً مُدَوِّراً لنفايات من سبقوه من المهرطقين أو شهيداً للفكر، وعند رجال الدين مجدفاً فاسد العقيدة وكذلك عند العوام وغمار الناس، هو من الشخصيات الحدية النادرة في تاريخ الإنسانية كالشيخ الأكبر محي الدين بن عربي، إما أنْ تُجَلّه وتحترمه وتوقّره وإما أن تحتقِره وتكرهه وترميه بكل ساقط القول وتضمر له من الشر أشده استطارة، ولا مكان للحياد تجاه...

  سأله الصحفي: هل تعتقد في الاولياء؟ رد الاستاذ محمود: "انا في الحقيقة بعتقد في مطلق انسان"،... لذا حلم بسمو مطلق انسان، ورحلة تطوره السرمدي، يدرك مآلات الانسان، مهما اظلمت روحه وحثه على الكمالات التي لا حد لها، المخبأة في ذاته، وتحن للتعبير عن ذاتها، واخصاب الحياة، بما لا يخطر على قلب بشر. قال اننا في مرحلة البشرية، حيث سفك دم وفساد، سنقفز، ولاول مرة، لمرحلة الانسانية، ليس كتطور طبيعي، كما جرى للحياة منذ ان دبت من الطين، وتقلبت في شتى الصور، بل تطور يساهم به القلب البشري حين يسلم من الضغينة والعقل حين يصفو من المرض، الى مقام الانسانية، حيث بنية الجسد قد تآخت في وحدة عضوية، وحققت السلام الداخلي، بعد حروب طويلة بين الغريزة والعاطفة والفكر في بنية الجسد، وتتوحد تلكم الطاقات اللانهاية في اثراء الحياة، اي ثالوث (قلب وعقل وجسد)، وحينها لن يفترس الانسان اي كائن حي، ويشرب نور الله الساري في الوجود، الله نور السموات والارض. عاش من اجل الحب والسلام، كان وديع كطفل، (العارفين في براءة الاطفال)، وكان باسل كجبل واكثر، كانه المعني بالبيت:  (حاسر الطرف عند كل جمال، يستشف من كل شي جمالا،...

 الخميس 17/1/1985 فى السادسة صباح ذلك اليوم خرج الأستاذ والأخوان من زنازينهم ثم جلسوا.. قال الأستاذ: [فيكم من ينشد قصيدة عوض الكريم موسى: وإذا الجبال تحولت عن أرضها* عن حبنا لله لا نتحول] أجاب تاج الدين عبد الرازق أنا بحفظ أبيات منها.. قال الأستاذ: [أنشدها].. بعد أن أنشد تاج الدين القصيدة علق الأستاذ قائلا: [أنشدتها لكن نسيت أهم بيت فيها: ولقد أتى القيوم فى أنحائنا* من منزل الأخرى فنحن المنزل].. عند التاسعة صباحا لم يحضر أحد لإخراجهم للفطور.. بعد مضى بعض الوقت قال الأستاذ للأخوان: [الجماعة ديل ما جوكم عندهم رأى لو عندكم حاجة تتقوتوا بيها ناولوا بعض..].. وفى حوالى الواحدة ظهرا جاء ضابط وأخذ الأستاذ لمكتب مدير السجن.. وهناك فى المكتب يجلس خمسة من الضباط الكبار.. وبدأ المدير يسأل الأستاذ: س: انت مصر على أقوالك؟ ج: نعم. س: عندك استئناف؟ ج: إذا أنا بستأنف ما بجى هنا س: عندك طلب استرحام؟ ج: ما فى من يطلب منه الإسترحام هنا. س: عندك وصية لأولادك؟ ج: أولادى عمرى كله معاهم.. ما عندى حاجة أقولها ليهم.. (انتهت الأسئلة.. وقد أعلن أن التنفيذ غدا الجمعة الساعة العاشرة صباحا.. سيق الأستاذ إلى زنزا...

  قال عنه العم عبد اللطيف، الذي أوكلت له حراسة الأستاذ، من عصر الخميس 17 يناير 1985 وحتى وقت التنفيذ صباح الجمعة 18 يناير 1985: "الراجل دا صميم، كلمتو واحدة، ما بعرف التراجع.. أنا حضرت إعدام ناس كتيرين، الزول لما يقولو ليهو إنت بكرة فى الدار الآخرة، بعضاً منهم يكورك، ويبكي، وفيهم البيقع غمران، فيهم البيرجف، فيهم اللى بيتضعضع، وفيهم.. ..، زولنا دا ثابت، شجيع، مافيهو حبة خوف من الموت، يرد الكلمة بالكلمة.. يقول كلامو بصوت واضح، وكلام قوي.. ولا أداني إحساس بأنو زعلان مننا، ولاحتى من مدير السجن، ولاحتى من الناس اللى حكموا عليهو.. الزول دا قلبى إنشرح ليهو.. دا زول عارف بسوي في شنو.. أنا ماحصل لاقيت زول زي دا.. سجين ما عادى، المساجين العاديين المحكوم عليهم بالإعدام نحن بنعرفهم، كل الناس تبطبط إلا دا، ثابت، ناشف عود.. قالوا ليهو: عندك وصية لأولادك؟ قال: أولادي موصيين طبيعي".. (المصدر: صحيفة أجراس الحرية – الخميس 25 نوفمبر 2010 العدد (868) حوار: عبدالله الشيخ)

 كتب الشاعر أزهري محمد علي عن الأستاذ محمود:  بعزى فى السجان ويواسيه بى بسمه ويحكيلو طول الليل عن باكر الاسمى يوم يرجف الجلاد ويضحك ابو اسماء محمود محمد طه مـا أعظم الأسماء *** *** *** يا أبوى صباح الخير من آخر الاعماق انا حالى غيرك غير فى منتهى الأشواق يا مستجير بالله من كل زيف ونفاق ومعصوم بِسر الله وحق اليقين ميثاق لله شئ لله باب الكريم ما ضاق الدم فداه الدم ودم الحقيقة يُراق أعصم رؤى الاطفال من لعبة الاوراق لسه الحبل ممدود ومشدود وثاق فى وثاق ومن تحتو واقف هو فى كامل الإشراق طائر خفيف الروح فى واسع الآفاق يغزل خيوط النور من بسمته الرقراق ويمرق عفيف الإيد من حافة الإملاق ينزع مشاعر الخوف من رعشة الشناق ويشهد صعود الروح بى نشوة العشاق من حيز المحدود لى مطلق الإطلاق عند إنتفاء الضد حيث البصر ما زاغ *** *** *** إنت بتروح وين يامستبد ياعاق من غضبة الطوفان ومن شعبنا العملاق يوم تشخص الابصار ويلتف ساق بى ساق وبيناتنا يبقى الحق ومكارم الأخلاق. 

  ﻗﺎﻟﻮﺍ ﻋﻦ ﺍﻻﺳﺘﺎﺫ ﻣﺤﻤﻮﺩ ﻣﺤﻤﺪ ﻃﻪ : ﺍﻟﺸﻴﺦ ﺍﻟﻤﻜﺎﺷﻔﻰ : "ﺍﻷﻓﻨﺪﻯ ﺩﺍ ﺷﻴﺨﻨﺎ ﻛﻠﻨﺎ ". ﺍﻟﺸﻴﺦ ﺍﻟﻌﺮﻛﻰ : " ﺑﻌﺮﻑ ﺃﺑﻮﺍﺗﻨﺎ ﺃﺣﺴﻦ ﻣﻨﻨﺎ ". ﺍﻟﺸﻴﺦ ﺍﻟﺤﺴﻦ ﺍﻷﺩﺭﻳﺴﻰ : "ﻃﺒﺨﺖ ﻟﻴﻚ ﺑﻨﻔﺴﻰ ﻳﺎ ﺃﺳﺘﺎﺫ" ﺍﻟﺴﺎﺩﺓ ﺍﻟﻌﺠﻴﻤﻴﺔ : " ﻏﺮﺯﺕ ﺍﻷﺑﻘﺎﺭ!! ﻓﺠﺂﺀﻭﺍ ﻟـ "ﺍﻟﺪﻧﻘﻼﻭﻯ ﺣﻼّﺏ ﺍﻟﺘﻴﺲ " ﺁﻝ ﺃﺑﻮﻗﺮﺟﺔ، ﺁﻝ ﺍﻟﺤﻠﻮ ﻭﺁﻝ ﺍﻟﻤﻠﻴﺢ : " ﻓﻘﺮﺍ ﻋﺒﻴﺪﺍﻟﻠﻪ" ﻋﺎﺷﻮﺍ ﻓﻰ ﺣﻀﺮﺗﻪ ﺯﻳﻦ ﺍﻟﻌﺎﺑﺪﻳﻦ ﻣﺤﻤﺪ ﺃﺣﻤﺪ ﻋﺒﺪﺍﻟﻘﺎﺩﺭ : ﻫﺮﺑﺖ ﻣﻦ ﺍﻷﺳﺘﺎﺫ ﻣﺤﻤﻮﺩ، ﺧﻔﺖ ﺃﻥ ﻳﺠﺬﺑﻨﻰ. ﻣﺤﻤﺪ ﻳﻮﺳﻒ ﻣﺤﻤﺪ : "ﺳﻌﻴﻨﺎ ﻟﻸﺳﺘﺎﺫ ﻟﻴﺮﺃﺱ ﺍﻟﺤﺮﻛﺔ ﺍﻹﺳﻼﻣﻴﺔ "!! ﺍﻟﺴﻴﺪ ﻣﺤﻤﺪ ﺍﺑﺮﺍﻫﻴﻢ ﺧﻠﻴﻞ ﺍﻟﻤﺤﺎﻣﻰ ﻭﻭﺯﻳﺮ ﺍﻟﻌﺪﻝ ﺍﻷﺳﺒﻖ : "ﺍﻷﺳﺘﺎﺫ ﻣﺤﻤﻮﺩ ﺭﺟﻞ ﻭﻫﺒﻪ ﺍﻟﻠﻪ ﻣﻦ ﺍﻟﻔﻜﺮ ﻭﺳﻌﻪ ﺍﻻﻃﻼﻉ ﻭﻋﻤﻖ ﺍﻟﺜﻘﺎﻓﻪ ﻣﺎ ﻣﻜﻨﻪ ﻣﻦ ﺍﻟﻐﻮﺹ ﻓﻰ ﺃﻋﻤﺎﻕ ﺍﻟﻤﺴﺎﺋﻞ ﺍﻟﺪﻳﻨﻴﻪ ﻭﺍﻟﻘﻀﺎﻳﺎ ﺍﻟﻔﻜﺮﻳﻪ . ﻓﻜﺎﻥ ﻟﻪ ﻓﻰ ﻛﻞ ﻣﻨﻬﺎ ﺃﻓﻜﺎﺭﺍ ﻭﺁﺭﺍﺀ ﻣﻬﻤﺎ ﺃﺧﺘﻠﻒ ﺑﻌﺾ ﺍﻟﻨﺎﺱ ﺣﻮﻟﻬﺎ ﻓﻼ ﻣﻨﺎﺹ ﻣﻦ ﺍﻷﻋﺘﺮﺍﻑ ﺑﺄﺻﺎﻟﺘﻬﺎ. ﻭﻭﻫﺒﻪ ﻣﻦ ﺍﻟﺒﻴﺎﻥ ﻣﺎ ﻭﻓﻘﻪ ﺍﻟﻰ ﺍﻷﻓﺼﺎﺡ ﻋﻦ ﺗﻠﻚ ﺍﻷﻓﻜﺎﺭ ﻭﺍﻻﺭﺍﺀ ﻭﺗﺮﺟﻤﺘﻬﺎ ﺍﻟﻰ ﻧﻈﺮﻳﺎﺕ ﻣﺤﺪﺩﺓ ﻭﻭﺍﺿﺤﺔ. ﻭﻣﻦ ﺍﻟﺸﺠﺎﻋﺔ ﻭﺍﻻﻣﺎﻧﺔ ﻣﺎ ﺩﻓﻌﻪ ﺍﻟﻰ ﺍﻟﺠﻬﺮ ﺑﻬﺎ ﻓﻰ ﺍﻟﻤﺤﺎﺿﺮﺍﺕ ﻭﺍﻟﻨﺪﻭﺍﺕ ﻭﺃﻋﻤﺪﺓ ﺍﻟﺼﺤﻒ ﺛﻢ ﺃﻥ ﻟﻪ ﺑﻌﺪ ﺫﻟﻚ ﻣﻦ ﺍﻟﺠﺪ ﻭﺍﻟﻌﺰﻡ ﻭﺍﻟﺼﺒﺮ ﻣﺎ ﻣﻜﻨﻪ ﻣﻦ ﺗﺪﻭﻳﻦ ﺃﺭﺍﺋﻪ ﻭﺃﻓﻜﺎﺭﻩ ﻓﻰ ...

  من ذكريات الأستاذ أحمد العجب في معايشة الأستاذ محمود ............. كنا فى سيارة مع الأستاذ محمود متجهين من منزله بالمهدية فى طريقنا إلى دار الحزب الجمهوري بالموردة وكان ذلك فى أواخر الستينات من القرن الماضي تقريبا وعند مرورنا بالقرب من السينما الوطنية بأم درمان لاحظ الأستاذ محمود أن رواد السينما يقفون فى صفوف طويلة فسألنا قائلا: (تفتكروا ليه الناس بحبوا السينما كدا؟) فرد الأخ ابراهيم مكي عليه الرحمة قائلا: (لأنهم بينسوا فيها همومهم) فقال الأستاذ: (دا وجه)..وكان رد الأخ محمد فضل رحمة الله عليه: (لأنهم يعيشوا فيها اللحظة الحاضرة) فقال الأستاذ محمود: (دا وجه) ثم استطرد قائلا: (الناس بيحبوا السينما لأنهم بيجدوا أنفسهم فى شخصية البطل ،ما شفتوهم كيف بيكونوا متعاطفين معاه؟). وقال: (الحقيقة البطل ما كان ممكن يكون بالشجاعة البشوفوه بيها على الشاشة لو لم يكن قارئ قصة الفيلم وعارف تفاصيل أحداثها). ثم قال: (لكن الطريق لأن تتخلق بأخلاق البطل من شجاعة وإقدام فى حياتنا اليومية مش دخول السينما وإنما يتم ذلك عن طريق الدين حيث تتقي الله حتى تعلم منه قصة حياتك من المصدر إلى المورد.) 

  كتب عبد الله عثمان قسمت بالله ده لا بِندقَّ ليهم ولا شيتين امرأة من غمار الناس في الحصاحيصا، سمعت جوطة في نادٍ في الجوار، زوجها هناك.. ذهبت لتطمئن.. سمعت الناس بتقول: "دقوه!! دقوه!!" دافرت، دافرت، دايرة تشوف البدقوه ده منو... شافتو... : *((قسمت بالله ده لا بِندقَّ ليهم ولا شيتين!!)) حادثة تعرّضت فيها محاضرة للأستاذ محمود محمد طه لشغب في الحصاحيصا، حاول فيها بعض المعارضين ضرب الأستاذ محمود، ولكنهم لم يفلحوا *((كما رأت تلك السيدة بعين بصيرتها))... القصة يرويها، بتصرّف، الباشمهندس أحمد المصطفى الصديق عبد القادر. أحمد من اب جلفة شرق رفاعة درس المساحة بجامعة الخرطوم. عمل بمصلحة المساحة ثم هاجر لصلالة بسلطنة عمان ::. . :: مااا بتقابل!!  لمته!! قلت ليه كيف تمشي للأستاذ سكران *قال لي: هو دا انتو واعين بتقابلوهو كيف؟!! حولاااا!! ما بتقابل!! مما يحكي بروف احمد مصطفى حسين منصور بروف احمد من رفاعة درس الاقتصاد بجامعة الخرطوم وبريطانيا عمل في الخرطوم وقطر والاردن والامارات ثم هاجر لكندا ويقيم الآن بواشنطون

  كتب عبد الله عثمان ((والله يا مولانا دي جبتها جيبة)) مرة جانا الأستاذ في ود مدني، من كوستي، قريب عيد الأضحى كدي.. قال لينا: بعد أيام في عشرات الآلاف من الخراف راح تُذبح.. باقيلكم في داعي للحاجة دي؟ معانا درويش غرقان قال للأستاذ: لكن وين يا أستاذ نودي الآية: ﴿فَصَلِّ لِرَبِّكَ وَانْحَرْ﴾؟؟ الأستاذ قال ليهو: ما تنحروا نحر البرعي القال: «ضحّوا ضحاياهم وقاموا بنحرها وأنا المتيم قد نحرت فؤادي» الدرويش دخل في حال وقال ليهو: «شا!! والله يا مولانا دي جبتها جيبة...» ده كان أول كلام عن «الضحية»، لغاية ما لي قدّام طلع كتاب: «الضحية غير واجبة لا على الأغنياء ولا على الفقراء». بتصرُّف من ذكريات الراحل الأستاذ أحمد عبد الرحمن العجب. كان الأستاذ أحمد أحد الطلاب الثلاثة الذين فُصلوا من المعهد العلمي في ستينيات القرن الماضي، وعمل بالتدريس إلى أن تقاعد. الاستاذ الراحل أحمد من سعادة العقليين، وكان يقضي وقته في سنينه الأخيرة بين الخرطوم وأبنائه الثلاثة في أمريكا. انتقل الأستاذ أحمد العجب إلى رحاب الله بأمريكا وله ضريح يزار بنيويورك العليا.

  كتب عبد الله عثمان ((دة جبتو من وين؟؟ دة ما كلامك.. دة كلام الأستاذ محمود)). كنا تلاميذ صغاراً. المعلم طلب مننا نكتب: منو الأهم، المعلم ولا المهندس ولا الطبيب؟ سألت الأستاذ محمود... قال لي: ((المهندس ممكن يكون معلم، والطبيب برضو ممكن يكون معلم... المهندس أهم من الطبيب، لأنو بإصحاح البيئة يمكن أن يحافظ على الصحة، وما في زول بيحتاج لطبيب... وبرضو المهندس غلطاتو ظاهرة فوق الواطة، أي زول بشوفا، لكن الطبيب غلطاتو بتندفن، وما في زول بشوفا)). صغت الموضوع بالصورة دي وأديتو المعلم... قراهو، وهو عارف علاقتي بالأستاذ محمود، قال لي: (دة جبتو من وين؟؟ دة ما كلامك.. ده كلامو؟؟!!) كان ذلك المعلم هو الأديب المعروف محمد محمد علي، وقد دارت بينه وبين الأستاذ محمود، فيما بعد، مكاتبات معروفة. والأديب محمد محمد علي، كما هو معروف، متزوج من شقيقة الشاعر إدريس جماع. القصة، بتصرّف، مما يحكي الراحل الأستاذ علي لطفي عبد الله. للعم الراحل علي لطفي ذكريات كثيرة مع الأستاذ محمود، في أيام الخلوة، نرجو أن نأتي على ذكرها. عمل العم علي معلماً بالمرحلة الوسطى، وابتعث إلى بريطانيا في ستينيات القرن الماضي لمزيد من ال...

  كتب عبد الله عثمان: للأستاذ محمود تقدير كبير للفن وللفنانين (راجع كتابه: الإسلام والفنون). زار الكاشف في رقدته الأخيرة، وغنى له بلاص في منزله، وكتب محيياً الفنان رمضان حسن (حيا الله السودان، وحيا الله الحضارة، وحيا الله الفنان رمضان حسن)  قال لي استاذ عبداللطيف كان الفنان رمضان حسن يحمل الصحيفة ويطوف بها على المقاهي يقول للناس شوفوا الزول العظيم دا كتب عني شنو!!  سمع يوما الفنان بادي، فسأل: من هذا؟ قيل له: بادي محمد الطيب!! قال: غريبة!! ما قالوا ما بجي زول بعد سرور (ولعله قال كرومة)! ابو داؤود درس الخلوة وتلا القرآن ومدح. شارك كرومة في أداء قصيدة انتم فروضي ونفلي في مسرح قاعة الصداقة قال ابو داؤود الصوفية سألوا العود ليه يا عود صوتك جميل؟  (قال لانو بطني فاضية) حليلم دوام بطراهم ابو داؤود ممدود، أتعشقه ولا أمل سماعه.  عرفت بعد زمن سر مدده إذ حكى لي الطيب محمد الحسن أنو الأستاذ حكى ليهم قال انو ابوداوود كان صبي محولجي في جبيت وسمعه يغني بالكبريتة.  هذه شذرات قليلة، من كثير، من علاقة الأستاذ بالفن والفنانين، فهو يقدرهم وحتى حينما ينتقدهم أو يوجههم، فإنه يكو...

  كتب عبد الله عثمان: أهو دا مثال طيب للتسليم وعدم التسليم الأستاذ كان مع مجموعة من الأخوان، ومرَّ من أمامهم رجل يركب على حمار، ويمسك بحبلين يجر بهما غنماية وتيس. الغنماية هادئة، تمشي بارتياح، منقادة للرجل، والتيس يعاند، ويصارع، ويناطح، والرجل يضرب بسوطه التيس بين الحين والآخر. فقال الأستاذ: (أهو دا مثال طيب للتسليم وعدم التسليم... الغنماية مرتاحة لأنها مسلِّمة، وما تكاد تبذل مجهود، في حين أن التيس يشتت جهوده، ويتعب نفسه، وينضرب ويتألم... وفي النهاية حيصل لنفس المكان مع الغنماية).

كتب عبدالله عثمان:  رسِّل زول لسوق المسلمية يكورك: يا ناس.. فلان ود فلان خلاص طوى برشو قصص لا تسمعها إلا في مجالسه رجل من منطقة المسلمية، كان يتردد على الشيخ عبد الباقي (أزرق طيبة)، ويقيم معه الأيام، ورأى بعينيه الحال والضيافة وإكرام الضيفان والخدمة... وديل طالعين، وديل نازلين... فأعجبه الحال، وتمنى لو يستطيع أن ينقل هذا الحال إلى منزله في قريته، فيتحزم بالطريقة، ويكرم الضيفان ويخدمهم. ثم إن الفكرة ألحّت عليه، فذهب إلى الشيخ عبد الباقي، وأخبره برغبته، ولكن الشيخ عبد الباقي صرفه عن ذلك، وطلب إليه أن يكتفي بضيف الشريعة، دون أن يذهب أبعد من ذلك. فألحَّ الرجل، ولما رأى الشيخ إصراره، سمح له بذلك. ولكن الرجل سأله: (كيف أعمل لكي أملأ المسيد بالناس؟!) قال ليهو الشيخ: (رسٍّل زول سوق المسلمية، يوم السوق، وخليهو ينبه الناس أن فلانًا قد فتح بيتو للغاشي والماشي). ثم إن الرجل فعل كما سمع. فتسامع الناس، وما يمر يوم إلا والمزيد من الناس يسمعون، فضربت إليه أكباد الإبل والدواب، و(انعوج) إليه الدرب... ديل طالعين، وديل نازلين... وهو متحزّم، والصواني تمرق مليانة وترجع فاضية. ونفدت المطمورة الأولى، فحفر...