إن من البيان لسحرا!!

 

كتب عبد الله عثمان

((دة جبتو من وين؟؟ دة ما كلامك.. دة كلام الأستاذ محمود)).

كنا تلاميذ صغاراً. المعلم طلب مننا نكتب: منو الأهم، المعلم ولا المهندس ولا الطبيب؟

سألت الأستاذ محمود... قال لي:

((المهندس ممكن يكون معلم، والطبيب برضو ممكن يكون معلم... المهندس أهم من الطبيب، لأنو بإصحاح البيئة يمكن أن يحافظ على الصحة، وما في زول بيحتاج لطبيب... وبرضو المهندس غلطاتو ظاهرة فوق الواطة، أي زول بشوفا، لكن الطبيب غلطاتو بتندفن، وما في زول بشوفا)).

صغت الموضوع بالصورة دي وأديتو المعلم... قراهو، وهو عارف علاقتي بالأستاذ محمود، قال لي:

(دة جبتو من وين؟؟ دة ما كلامك.. ده كلامو؟؟!!)

كان ذلك المعلم هو الأديب المعروف محمد محمد علي، وقد دارت بينه وبين الأستاذ محمود، فيما بعد، مكاتبات معروفة.

والأديب محمد محمد علي، كما هو معروف، متزوج من شقيقة الشاعر إدريس جماع.

القصة، بتصرّف، مما يحكي الراحل الأستاذ علي لطفي عبد الله.

للعم الراحل علي لطفي ذكريات كثيرة مع الأستاذ محمود، في أيام الخلوة، نرجو أن نأتي على ذكرها.

عمل العم علي معلماً بالمرحلة الوسطى، وابتعث إلى بريطانيا في ستينيات القرن الماضي لمزيد من التحصيل، ثم قضى فترة منتدباً بالحجاز.

وقد درس الجامعة وما بعد الجامعة في سن متأخرة.. ابنه الأخ لطفي كتب عنه:

((الجدير بالتنويه عنه أن الأستاذ علي لطفي عبد الله هو من الرعيل الأول من المعلمين الذين جابوا بقاع السودان المختلفة معلماً وموجهاً ومديراً للتعليم.. وهو في الثمانين من عمره الآن أمد الله في أيامه ومتعه بالصحة والعافية ولم يثنه عمره المديد - بإذن الله - عن ولوج باحات الدرس والتحصيل والفحص والبحث والتقصي وسلوك طرقه الوعرة فقد نال درجة الماجستير من جامعة الزعيم الأزهري في عام ٢٠١١ في بحثه عن تاريخ التصوف)) ..

 التزم *(طريق محمد)* وأصبح جمهورياً في سن مبكر، وهو من شعرائهم.

وقد عمل العم علي لطفي لفترة محاضراً بجامعة الأحفاد..

نفعنا الله بجاهه العريض.